Policia Kufitare e Kakavijës ka njoftuar se ka proceduar penalisht një 46-vjeçar, pasi u kap duke kaluar një shumë prej 19350 eurosh në doganën e Kakavijës.
Shqiptari 46-vjeçar, banues në Durrës tentoi të kalonte çantën me shumën e parave jashtë Republikës së Shqipërisë, pa i deklaruar siç e përcakton ligji.
“Në bazë të analizës së riskut, në dalje të vendit, u kalua për kontroll në vijë të dytë, shtetasi Y. Sh., në çantën e të cilit u gjetën 19 350 euro që ai po tentonte t’i nxirrte nga vendi ynë, pa i deklaruar siç e përcakton ligji”, thuhet në njoftimin e Policisë.
Ndërkohë, sipas uniformave blu, është sekuestruar shuma e parave dhe janë referuar materialet në Prokurori ku nisi procedimi në gjendje të lirë për shtetasin Y. Sh., 46 vjeç, banues në Durrës.
Njoftimi i Policisë:
PKK Kakavije/Si rezultat i kontrolleve të detajuara, nga shërbimet e Policisë Kufitare, goditet një rast i mosdeklarimit të të hollave.
Sekuestrohen 19 350 euro dhe procedohet penalisht 46-vjeçari që nuk i deklaroi paratë, në PKK, në dalje të RSH-së.
Si rezultat i angazhimit maksimal të shërbimeve të Policisë Kufitare të PKK Kakavije, për parandalimin dhe goditjen e krimeve kufitare, krahas punës për ofrimin e një shërbimi cilësor dhe me etikë, qytetarëve në hyrje/dalje, është goditur një tjetër rast i mosdeklarimit të të hollave.
Në bazë të analizës së riskut, në dalje të vendit, u kalua për kontroll në vijë të dytë, shtetasi Y. Sh., në çantën e të cilit u gjetën 19 350 euro që ai po tentonte t’i nxirrte nga vendi ynë, pa i deklaruar siç e përcakton ligji.
Në vijim të veprimeve procedurale për këtë rast, u sekuestrua shuma e parave dhe u referuan materialet në Prokurori ku nisi procedimi në gjendje të lirë për shtetasin Y. Sh., 46 vjeç, banues në Durrës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprën penale “Mosdeklarimi në kufi i të hollave dhe sendeve me vlerë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
