Një foshnjë ka ndërruar jetë në Spitalin e Durrësit vetëm 4 ditë pasi kishte ardhur në jetë.
Sipas informacioneve të deritanishme nuk dihen rrethanat dhe shkaqet e vdekjes së foshnjës ndërsa mësohet se prindërit e tij kanë bërë kallëzim në policinë e Durrësit me arsyen e moskujdesit nga ana e mjekëve të Spitalit Rajonal.
"Më datë 11.09.2018, ka bërë kallëzim shtetasi B.G. 43 vjeç, banues në Durrës, pasi më datë 07.09.2018, bashkëshortja e tij, shtetësia V.G., 35 vjeçe, ka lindur në Maternitetin e Spitalit Durrës dhe pas 4 ditësh fëmija ka ndërruar jetë ku dyshon se mjekët me mosveprime të tyre i kanë shkaktuar vdekjen foshnjës së porsalindur. Neni 96 i Kodit Penal", njofton policia.
Sipas spitalit të Durrësit foshnja ka ardhur ne jetë nëpërmjet lindjes çezariane.
Dyshohet se ka patur një sëmundje të trashëguar gjenetisht, që konsistonte në thyerje të të gjitha kockave të fëmijës sapo prekej nga mjeku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
