Arrestohet polici i burgut të Drenovës në Korçë, tentoi të fusë drogë në qelitë e të burgosurve

Policia ka arrestuar një efektiv të burgut të Drenovës, pasi tentoi të fusë një sasi droge në qelitë e të burgosurve.

Lajmi u publikua nga policia, ndërsa bëri me dije se gjatë kontrollit fizik të punonjësve të burgut, efektivit Hakil Zere iu gjet e fshehur në këpucë, brenda çorapeve 2 qese me kanabis dhe në pjesën intime të trupit 2 qese të tjera, njëra prej të cilave me heroinë.

Operacioni nga SHKBB, shërbimi i kontrollit të brendshëm në burgje në bashkëpunim me IEVP Drenovë

Sipas burimeve, policit të burgut Hakil Zere i është gjetur edhe një sasi lënde narkotike gjatë kontrollit të banesës nga ana e policisë së shtetit

Sipas burimeve nga prokuroria polici është arrestuar me 21 prill  me akuzat e “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”, te parashikuar nga neni 283/1 dhe 324/a/2 i Kodit.