Një aksident automobilistik është regjistruar pak minuta më parë në autostradën Levan–Tepelenë, në vendin e njohur si Poçem.
Sipas informacioneve paraprake, dy automjete tip "Ford" janë përplasur kokë më kokë, ndërsa si pasojë e përplasjes kanë mbetur të plagosur dy persona.
Menjëherë në vendngjarje kanë mbërritur shërbimet e Policisë, të cilat kanë siguruar zonën dhe po menaxhojnë qarkullimin rrugor.
Në ndihmë të të lënduarve ka shkuar edhe një autoambulancë, e cila i ka transportuar me urgjencë drejt Spitalit Rajonal të Fierit, ku po marrin ndihmën e nevojshme mjekësore.
Ndërkohë, grupi hetimor ka nisur veprimet për zbardhjen e plotë të rrethanave dhe përcaktimin e shkaqeve që çuan në këtë aksident.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
