Eduart Hoxha i riu i cili u arrestua pasi ushtroi dhunë ndaj babait dhe e kërcënoi se do ta vriste me mjete prerëse, sëpatë dhe thikë ka dalë përpara gjykatës së Durrësit.
35-vjeçari kundërshtoi me dhunë forcat e komisariatit të policisë, ndërsa u desh ndërhyrja e RENEA-për të neutralizuar situatën.
Gjyqtari i çështjes e ka cilësuar si ligjshëm arrestimin në flagrancë të personit nën hetim.
Si masë sigurimi personale shtrënguese caktoi “Shtrimin e përkohshëm në një spital psikiatrik”, parashikuar nga neni 239 i Kodit të Procedurës Penale.
Për ekzekutimin e këtij vendimi është ngarkuar Prokuroria pranë Gjykatës së Shkallës së Parë të Juridiksionit të Përgjithshëm Durrës në bashkëpunim me policinë gjyqësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
