Një aksident me vdekje ka ndodhur sot në Elbasan. Ngjarja ndodhi rreth orës 2:00 të mëngjesit në aksin Elbasan-ish Kombinati Metalurgjik, ku një automjet ka dalë nga rruga dhe për pasojë është futur brenda një servisi makinash.
Për shkak të përplasjes së fortë me derën kryesore dhe murin rrethues, ka gjetur vdekjen në vend drejtuesi i automjetit, ndërkohë që makina është përfshirë nga flakët dhe është djegur plotësisht bashkë me trupin e viktimës.
Policia po punon për të identifikuar viktimën dhe për të zbardhur shkaqet e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
