Goditet një rast i tentativës për kultivim të bimëve narkotike, në Lezhë, duke asgjësuar rreth 800 fidanë kanabisi në kubikë duke vënë në pranga një person dhe shpallur në kërkim vëllain e tij.
Si rezultat i kontrolleve të kryera në të gjithë qarkun dhe i hetimeve me metoda proaktive, në vijim të megaoperacionit mbarëkombëtar, të koduar “Territor i pastër”, strukturat e DVP Lezhë kanë goditur dy raste të tjera të kultivimit të bimëve narkotike.
Shërbimet e Komisariatit të Policisë Mirditë kanë zbuluar në pyllin e fshatit Gëziq, një hapësirë që ishte përshtatur për kultivimin e bimëve narkotike. Në këtë ambient u gjetën 500 fidanë kanabisi në kubikë, gati për t’u kultivuar në tokë, të cilët u asgjësuan nga policia.
Në vijim të veprimeve hetimore për këtë rast u identifikuan 2 autorët e dyshuar, shtetasit Mariglen Gjeta, 35 vjeç dhe P. Gjeta, 32 vjeç vëllezër, të dy banues në fshatin Gëziq.
Shtetasi Mariglen Gjeta u vu në pranga, ndërsa shtetasi P. Gj. u shpall në kërkim.
Gjithashtu, për këtë rast, u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për shtetasin Gj. B., 63 vjeç, kryetar i fshatit Gëziq dhe për shtetasin P. Ç., 65 vjeç, specialist pyjesh për zonën e Gëziqit.
Shërbimet e Komisariatit të Policisë Kurbin kanë gjetur në territorin e fshatit Vinjoll, Kurbin, 288 bimë narkotike kanabis sativa, të cilat u asgjësuan me anë të djegies.
Për këtë rast u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për kryetarin e fshatit Vinjoll, shtetasin I. B., 52 vjeç dhe për shtetasin Mariglen Gjeta, 36 vjeç, inspektor pyjesh në fshatin Vinjoll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
