Zbulohet në Durrës një apartament i kthyer në qendër prostitucioni, duke vënë në pranga dy shtetase të huaja të cilat kishin marrë me qira apartamentin, për këtë qëllim.
Gjatë operacionit policor të koduar “Storm 7” u zbulua në lagjen nr. 12, Durrës, një apartament ku ushtrohej prostitucion.
Gjithashtu u arrestuan në flagrancë shtetaset N. T., 34 vjeçe, banuese në Venezuelë dhe A. A., 24 vjeçe, banuese në Kolumbi, për veprat penale “Prostitucioni” dhe “Përshtatja e ambienteve për prostitucion”, të cilat dyshohet se e kishin marrë me qira apartamentin, për ushtrim prostitucioni.
Gjithashtu, nisi procedimi në gjendje të lirë për veprën penale “Prostitucioni”, për shtetasit M. A., A. A. dhe D. T.
Në cilësinë e provës materiale u sekuestruan një shumë parash e dyshuar e përfituar nga prostitucioni, gjashtë celularë dhe dokumente identifikimi të shtetaseve të arrestuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
