Protestuesit kanë hedhur mjete zjarrvënëse pranë objektit të Qeverisë së Kosovës në shenjë revolte për ngjarjen trishtuese që ndodhi të mërkurën në hapësirat e Qendrës Klinike Universitare të Kosovës (QKUK), ku një grua 35 vjeçare, në ditët e fundit të shtatzënisë, mbeti viktimë e një krimi monstruoz nga ish-bashkëshorti i saj.
Raportohet se gjatë protestës, aktivistja Neri Ferizi, është arrestuar nga Policia e Kosovës pasi dyshohet se ka hedhur mjetin shpërthyes në drejtim të ndërtesës së qeverisë.
Protesta filloi rreth orës 16:00, në qendër të Prishtinës, përkatësisht në Sheshin Zahir Pajaziti nën moton: “Dorëheqja nuk mjafton” dhe “Polici i keni duart me gjak”.
Qindra protestues kanë bërë thirrje që autoritetet përkatëse të dorëhiqen pas vrasjes që tronditi shoqërinë kosovare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
