30-vjeçari Renato Leka ka mbetur i plagosur me mjet prerës, thikë, në zonën e Shëngjinit.
Ngjarja ka ndodhur në rrugën e Kunës, ndërsa rrethanat dhe shkaqet e plagosjes nuk janë bërë ende të ditura.
I plagosuri është transportuar me urgjencë në Spitalin Rajonal të Lezhës, ku po merr ndihmë mjekësore.
Policia ka nisur hetimet për zbardhjen e plotë të ngjarjes, identifikimin e autorit ose autorëve dhe dokumentimin e rrethanave që çuan në plagosjen e të riut.
Lezhë/Informacion paraprak
Rreth orës 16:20, jemi njoftuar se në Spitalin Rajonal Lezhë është paraqitur për ndihmë mjekësore shtetasi R. L., rreth 30 vjeç, i cili dyshohet se është plagosur me mjet prerës (thikë) në dorë.
Shtetasi ndodhet në kujdesin e mjekëve, duke marrë trajtimin e nevojshëm mjekësor, jashtë rrezikut për jetën.
Ndërkohë, është ngritur grupi i posaçëm hetimor, i cili po punon për sqarimin e plotë të rrethanave të ngjarjes, si dhe për identifikimin dhe kapjen e autorit/autorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
