Digjet një automjet në bulevardin kryesor të qytetit të Korçës. Ngjarja, sipas policisë lokale, ka ndodhur në orët e mbrëmjes së të dielës në Bulevardin “Republika” të këtij qyteti.
Sipas policies, ngjarja mendohet të ketë qenë aksidentale për shkak të një defekti në sistemin e ndezjes së mjetit në pronësi të një 26-vjeçari, banues në këtë qytet.
Ka qenë vetë drejtuesi i mjetit si dhe persona të tjerë ata të cilët janë munduar të shuanin flakët e zjarrit, por ka qenë e pamundur edhe në kushtet kur shërbimi zjarrfikës ka mbërritur në vendin e ngjarjes.
Kjo edhe për atë sepse flakët kanë përfshirë me shpejtësi mjetin tip “Benz”.
Materialet i kaluan Prokurorisë pranë Gjykatës së Shkallës Parë Korçë për "Ngjarje aksidentale".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
