Një person në Tiranë ka humbur jetën paraditen e sotme, në ambientet e qendrës tregtare Megatek, gjatë kohës që ishte duke punuar.
Nga të dhënat paraprake policia bën të ditur se dyshohet se shtetasi L. D., 32 vjeç, punonjës i kësaj qendre tregtare, është dëmtuar aksidentalisht nga një mjet pune pirun që përdoret për transport, i cili drejtohej nga shtetasi E. D., 61 vjeç.
32-vjeçari L. D., është dërguar në Spitalin e Traumës dhe pas disa orësh ka ndërruar jetë, për shkak të plagëve të marra.
Shtetasi E. D., është shoqëruar në Komisariat, për kryerjen e veprimeve procedurale.
Grupi hetimor vijon punën për dokumentimin e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
