Njëri prej shqiptarëve të arrestuar në Spanjë pas sekuestrimit të 1 ton kokainë rezulton të jetë djali i një ish-gjykatësi. Dritan Gradica rezulton të jetë i biri i Shaqir Gradicës, me prejardhje nga fshati Vlahën i Hasit, shkruan sot Koha Ditore .
Shqiptarët e identifikuar si Dritan Gradica dhe Julian Deblini u vunë në pranga katër ditë më parë në Madrid, në hollin e një hoteli, vetëm pak pasi autoritetet e policisë së këtij vendi sekuestruan një sasi rekord prej 1 ton kokainë dhe një valixhe me 1.55 milionë euro.
Por ish-gjykatësi, tashmë në pension thotë se gjeneralitetet përkojnë me ato të djalit të tij, por mohon që personi i arrestuar në Spanjë të jetë i biri, për të cilin tha se prej vitesh jeton e punon në Londër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
