Prokuroria e Elbasanit ka lëshuar 7 urdhër arreste, 4 prej të cilave janë ekzekutuar, lidhur me goditjen e një grupi që dyshohet për fshehje të ardhurash e skema mashtrimi me TVSH-në.
Burimet bëjnë me dije se mes personave për të cilët është lëshuar urdhërarrest, është edhe një shtetas italian i akuzuar për veprën penale “Fshehja e të ardhurave” dhe “Krijimi i skemave mashtruese lidhur me tatimin mbi vlerën e shtuar”.
Korrespondenti i MCN Tv në Elbasan, Enes Molla tha në një lidhje për MCN Live se hetimet kanë nisur rreth një viti më parë dhe se policia vijon ende kërkimet për personat e shpallur në kërkim.
Emrat e personave janë: Adnand(Andrew) Progri, lindur në Peqin dhe banues ne Tiranë; Nezir Beqiri, lindur në Kukës dhe banues ne Tiranë; Erion Satka, lindur në Elbasan dhe banues në Tiranë; Sajmir Xhafa, lindur dhe banues në Tiranë; Julian Kalo, lindur në Ersekë dhe banues në Tiranë; Teidi Doraci, lindur dhe banues në Durrës; Aldo Mazzarela shtetas italian, i cili akuzohet për veprën penale ‘Fshehje të ardhurave’ dhe ‘Krijim i skemave mashtruese lidhur me tatimin mbi vlerën e shtuar’, parashikuar nga neni 144/a dhe 180 i K.Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
