Arrestohet autori i vënies së tritolit në qepenin e servisit të makinave në Fushë Krujë, si dhe është sekuestruar motori i përdorur nga i dyshuari në këtë ngjarje dhe celulari i tij.
Si rezultat i veprimeve të thelluara hetimore, të kryera nën drejtimin e Prokurorisë, për zbardhjen e ngjarjes së ndodhur në servisin e automjeteve në pronësi të shtetasit Alfred Gurra, në fshatin Luz, strukturat hetimore të Komisariatit të Policisë Krujë mundësuan identifikimin, lokalizimin, kapjen dhe arrestimin e autorit të dyshuar, Ervin Shera, 34 vjeç, banues në fshatin Zezë.
Nga hetimet dyshohet se ky shtetas, më datë 28 shtator, ka vënë lëndë plasëse në qepenin e servisit të automjeteve të shtetasit Alfred Gura. Nga shpërthimi janë shkaktuar dëme të vogla materiale.
Aktualisht vijojnë hetimet për përcaktimin e motivit të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
