Zbulohet në Durrës, një ambient i marrë me qira për të ushtruar prostitucion, duke bërë që të procedohen penalisht tetë persona, mes tyre dy braziliane të cilat ushtronin prostitucion në këtë ambient dhe në një hotel.
Si rezultat i hetimeve të kryera gjatë dy javëve, u finalizua operacioni i koduar “Storm 16”, gjatë të cilit u vendosën nën hetim 10 persona.
Në kuadër të operacionit, u proceduan penalisht dy shtetase braziliane: L. C., 33 vjeçe, e cila u kap në hotel, dhe V. B., 27 vjeçe, e cila u kap në ambientin e marrë me qira në lagjen nr.13, pasi dyshohet se ushtronin prostitucion.
Gjithashtu, u proceduan penalisht edhe 8 shtetas të tjerë, banues në Vlorë, Durrës dhe Divjakë.
Po në kuadër të operacionit, u shpallën në kërkim shtetaset braziliane G. S., 30 vjeçe, banuese në Brazil, për veprën penale “Përshtatja e ambienteve për prostitucion”, dhe M. R., 38 vjeçe, banuese në Brazil, për veprën penale “Prostitucioni”.
Gjithashtu, nisi procedimi për shtetasin K. P., 45 vjeç, banues në Durrës, administrator i hotelit, për veprën penale “Fshehja e të ardhurave”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
