Prokuroria e Posaçme SPAK ka dhënë sot pretencën për Moisi Habilajn dhe anëtarët e tjerë të grupit kriminal që akuzohet për trafik droge.
SPAK kërkoi 18 vite burg për Moisi Habilajn, 15 vite burg për Nezar Seitin, 15 vite burg për Meridian Sulajn dhe po 15 vite edhe për Fatmir Minajn.
Kujtojmë që të lartpërmendurit akuzohen për trafik e kultivim narkotikësh në kuadër të grupit kriminal.
Emrat e grupit Habilaj dolën në dritë pas një hetimi të nisur nga drejtësia italiane, ku u implikohej edhe ish-minstri Saimir Tahiri.
Koka e grupit të trafikut të drogës konsiderohej Moisi Habilaj, që u arratis nga vendi.
Gjithashtu, SPAK thekson se i pandehuri Moisi Habilaj duhet ta vuajë dënimin në një burg të sigurisë së lartë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
