Një vilë tre katëshe në qytetin e Beratit është përfshirë nga zjarri mbrëmjen e sotme. Ngjarja ka ndodhur në zonën e “Ish-pjeshkores”, ndërsa flakët ka rënë fillimisht në një nga dhomat e vilës. Brenda një kohe të shkurtër, zjarri u përhap në të gjithë ndërtesën.
Në vendngjarje kanë shkuar forcat zjarrëfikëse, të cilët kanë bërë të mundur fikjen e flakëve. Sipas informacioneve, zjarri dyshohet të jetë ndezur nga disa fëmijë të lagjes, të cilët kanë ndezur disa kartonë dhe i kanë hedhur brenda në një nga dhomat nga dritarja që ishte e hapur totalisht.
Si pasojë e zjarrit të rënë janë shkrumbuar totalisht orenditë shtëpiake dhe gjithçka që ndodhej në katin e dytë të kësaj vile.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
