Radhë të gjata në pikën e kalimit kufitar të Kakavijës.
Ata që udhëtojnë drejt Greqisë janë të detyruar të bëjnë tamponin në doganë, gjë që ka shkaktuar radhë, pasi procedura kërkon kohë për secilin udhëtar. Makinat e qytetarëve janë varg prej 2 kilometrash.
Pas marrjes së tamponit, shtetasit grekë, shtetas shqiptarë e të huaj me leje qëndrimi greke dhe minoritarë me kartën përkatëse mund të kalojnë në shtetin fqinj.
Aktualisht, në pikat e kalimit të Kakavijës dhe Kapshticës kalohet në orarin 06:00-22:00.
Duke nisur nga 16 gushti, çdo shtetas që do të hyjë në territorin grek përmes pikës kufitare të Kakavijës dhe Kapshticës do të karantinohet për 7 ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
