Një 23-vjeçar dyshohet të jetë mbytur në det mesditën e sotme, ndërsa policia kufitare dhe polumbarët po kërkojnë për gjetjen e trupit të tij.
Ngjarja ka ndodhur rreth orës 14:40 te Gjiri i Lalëzit në Durrës, ndërsa policia ka shkuar në vendin e ngjarjes dhe vijon kërkimet për gjetjen e të riut.
“Më datë 17.08.2021, rreth orës 14:40, te Gjiri i Lalëzit, Durrës, dyshohet se është mbytur duke u larë në det shtetasi A. S., 23 vjeç, banues në Tiranë.
Shërbimet e Policisë Kufitare dhe Polumbarët vijojnë kërkimet për gjetjen e tij. Grupi hetimor ndodhet në vendngjarje dhe po punon për sqarimin e rrathanave të ngjarjes”, njofton policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
