Detaje të reja janë zbuluar nga plagosja me armë zjarri e regjistruar mesditën e kësaj të shtune në Vlorë.
Bëhet me dije se 20-vjeçarja, K. Z, e plagosur dhe autori i ngjarjes Fadil Nikaj kishin një histori dashurie.
Dy të rinjtë ndodheshin në një lokal në qytetin e Vlorës ku kanë diskutuar me fjalë dhe më pas Nikaj duke mos pranuar ndarjen nga 20-vjeçarja ka qëlluar këtë të fundit me armë zjarri në këmbë.
Pas kësaj, 30-vjeçari ka nxjerrë nga çanta një granatë dhe e ka hedhur në drejtim të 20-vjeçares e cila menjëherë ka dalë jashtë lokalit për të kërkuar ndihmë. Nikaj është arritur të ndalohet nga qytetarët që ndodheshin pranë, teksa me mbërritjen e policisë është bërë arrestimi i tij.
Gjatë kontrollit Nikajt iu gjet në çantë dhe një granatë e dytë. Fatmirësisht granata e hedhur në lokal nuk ka shpërthyer edhe pse autori i kishte hequr asaj siguresën.
Ndërkohë 20-vjeçarja ndodhet në spitalin e Vlorës, nën kujdesin e mjekëve dhe jashtë rrezikut për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
