Kreu i SPAK, Arben Kraja thotë se grupet kriminale shqiptare janë fuqizuar shumë dhe janë bërë më të egra.
Duke folur ditën e sotme gjatë një konference për krimin e organizuar ndërkombëtar, ai deklaroi se grupet kriminale kanë ndryshuar aktivitetin kohët e fundit.
E kanë shtrirë aktivitetin në vendet e Amerikës Latine, ku prodhohet droga, ku konsumohet droga në vendet e BE, ku tregtohet madje edhe në Dubai.
Një shtrirje e tillë tregon rrezikshmërinë. Gjithashtu grupet kriminale janë bërë shumë të egra.
Shohim përditë rastet e vrasjeve të ndodhura kohët e fundit, ku përfshihen qoftë shtetas shqiptar edhe të huaj.
Teknologjia që ata përdorin, telefonat e inkriptuar po përdoren nga këto grupe kriminal apo edhe paratë e pista, për të rritur këtë aktivitet dhe për të dëmtuar konkurrencën.
Gjithë kjo shtrirje e gjerë, që përdor kaq metoda të fundit të zhvillimit të teknologjisë, kërkon kundërpërgjigje të fortë të institucioneve.
Asnjë shtet i vetëm nuk e lufton dot këtë aktivitet të organizuar kriminal dhe për këtë arsye në Shqipëri është krijuar SPAK si strukturë e re.
Kraja shtoi më tej se nga bashkëpunimi me SPAK me autoritetet italiane, janë sekuestruar sasi rekord lënde narkotike dhe arrestime të bujshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
