Dioqeza e Lezhës dhe ajo e Rrëshenit bashkë me shoqërinë civile do të zhvillojnë sot një marshim homazh për vajzën e vogël që humbi jetën në Himarë pasi u godit nga një gomone.
Prej orës 19:00 do të zhvillohet një marshim homazh në Shëngjin- Lezhë në përkujtim të vogëlushes Joanda Avdia.
Lajmin e bëri të ditur Peshkopi i Rrëshenit Dom Gjergj Meta përmes një postimi në rrjete sociale.
“Sonte ora 19:00 një marshim homazh në Shëngjin - Lezhë në përkujtim të vogëlushes Joanda Avdia që gjeti vdekjen në bregdet nga papërgjegjshmëria.
Nisja nga oborri i Kishës së Shëngjinit me lule dhe qirinj në dorë drejt bregdetit!.
Vajza 7-vjeçare humbi jetën në plazhin Potam në Himarë pasi u godit nga një skaf që drejtohej nga polici Arjan Tase.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
