Policia e Shkodrës ka vënë në pranga 30-vjeçarin me inicialet Xh. Gj., lidhur me ngjarjen e ndodhur pasditen e djeshme në Velipojë ku u vra aksidentalisht vajza e mitur 12-vjeçare.
Sipas policisë, ngjarja ka ndodhur në fshatin Baks, ndërsa ndaj 30-vjeçarit rëndon akuza e “Prodhimi dhe mbajtja pa leje e armëve të gjuetisë dhe sportive”.
“Nga strukturat hetimore të Stacionit të Policisë Velipojë, nën drejtimin e Prokurorisë në vijim të veprimeve hetimore në lidhje me ngjarjen e ndodhur dje, më datë 10.02.2021, u arrestua në flagrancë shtetasi Xh. Gj., 30 vjeç, banues në fshatin Baks, Velipojë, Shkodër, për veprën penale “Prodhimi dhe mbajtja pa leje e armëve të gjuetisë dhe sportive”(xhaxhai i 12-vjeçares)”, njoftoi policia.
Ky shtetas u arrestua pasi në banesë mbante pa leje një armë gjahu, me të cilën shtetasi i mitur E. Gj. aksidentalisht ka shkrepur armën në drejtim të motrës së tij, shtetases E. Gj., e cila si pasojë e plagëve të marra ka ndërruar jetë në Spitalin Rajonal Shkodër. Materialet iu referuan Prokurorisë së Rrethit Gjyqësor Shkodër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
