Analisti Ilir Demaliaj tha në emisionin “Bilardo” se po të ishte kryeministër i vendit, do të gjente këshilltarë që ta këshillonin, jo t’i këshillonte.
Sipas Demaliajt, edhe pse Rama ka një përgatitje kulturore në nivel të lartë, prapë ka kompleksin që mendon më shumë për pushtetin që ka, se sa për atë që do të bëjë në këtë pushtet.
"Si kryeministër i vendit unë do të bëja këtë, e para do të pastroja mendimin tim, atë kabinet, dhe ato këshilltarë që ka Rama, dhe do gjeja njerëz që të më këshillonin, jo t’i këshilloja. Edhe Rama në këtë aspekt, megjithëse e ka një lloj estetike, oratorinë, përgatitjen kulturore në një nivel shumë më të lartë se të gjithë këta që janë në parti, prapë e ka kompleksin që mendon më shumë për pushtetin, se sa për atë që do të bëjë në këtë pushtet që ka, kjo sjell korruptimin e bashkëpunëtorëve. Nuk do të pajtohesha kurrë me korrupsionin. S’mund të ndodhë që i gjithë kabineti të jetë i perceptuar për korrupsion. Në këtë situatë do rrëzoja qeverinë dhe do shkoja në zgjedhje të reja”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
