Qytetari nga Lezha ofron shtëpinë e tij për të ikurit nga lufta e Ukrainës

Qytetari lezhjan, Gjergj Kadeli ka hapur dyert e shtëpisë së tij, për të mirëpritur shtetasit nga Ukraina që po largohen nga vendi i tyre në këto ditë lufte.

Nëpërmjet një statusi në Facebook, ai shkruan se “ne nuk jemi në gjendje të ndalojmë luftën, por mund të zbusin sadopak dhimbjen”.

 “Ne nuk jemi në gjendje të ndalojmë luftën, por jemi në gjendje të zbusim dhimbjen! Nëse Shqipëria do pranojë të ikurit nga lufta, unë do jap kontributin tim modest duke ju ofruar shtëpinë time dhe ushqim për një familje Ukrainase për aq kohë sa të jetë e nevojshme. Mendoj se secili nga ne, duhet të japë kontributin e tij në këto momente të vështira për popullin e Ukrainës në përballje me një agresor të pa llogjike! I’Love”, shkruan në rrjete sociale Gjergj Kadeli.