Një ngjarje e rëndë ka ndodhur në fshatin Luzhë të Tropojës, ku një shtetas është vrarë me armë zjarri. Ngjarja ka ndodhur mbrëmjen e sotme dhe sipas policisë viktimë ka mbetur shtetasi R.A., 25 vjeç.
"Shërbimet e Policisë kanë shkuar në vendngjarje dhe nga veprimet paraprake ka rezultuar se shtetasi R.A i cili po kulloste bagëtitë në fshatin Luzhë dyshohet se është vrarë me armë zjarri automatik, për motive të dobëta, nga shtetasi S.R., 23 vjeç, banues në Luzhë", sqaron policia.
Policia po bën krehjen e zonës me qëllim kapjen e autorit të dyshuar.
Grupi hetimor ndodhet në vendin e ngjarjes ku po punon për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
