Vazhdojnë kërkimet edhe në ditën e 3 të zhdukjes së 26-vjeçarit Mateo Lika në urën e Mbrostarit Fier. Sot po kërkohet me skaner, një mjet i cili arrin të identifikojë metalet deri në 12 metër thellësi.
Deri tani nuk janë gjetur gjurmë të mjetit nën ujë, përveç targës e cila u gjet ditën e shtunë mbi urë, ndërsa parmakët e hekurta të urës të rrezuara.
Policia e Fierit ka nisur hetimet në lidhje me ngjarjen, ku si pistë kryesore mbetet hipoteza nëse automjeti ka rënë apo jo në ujë. Në ujërat e lumit Seman po kërkohet edhe nga policia, por edhe nga palombarët.
Në pyetje janë marrë familjarët e 26-vjeçarit, por deri tani asnjë nga deklarimet e tyre nuk e ka ndihmuar grupin hetimor për zbardhjen e ngjarjes.
Edhe telefoni i të riut mbetet i fikur, ndërkohë që të afërm të tij deklarojnë se Mateo Lika kishte pak muaj që ishte në Gjermani dhe se në Fier kishte ardhur 3 ditë përpara sesa të merrte makinën me qira.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
