Një 36-vjeçar është arrestuar në Durrës pasi refuzoi të nënshtruar kontrollit të automjetit dhe tentoi të korruptojë punonjësit e Policisë me një shumë prej 50 eurosh për të shmangur testin e alkoolit.
Shtetasi Agim Mansaku, banues në Durrës, gjatë ndalimit nga Policia Rrugore, hodhi nga dritarja një cigare të dyshuar me lëndë narkotike kanabis.
Po ashtu, ai drejtonte automjetin nën efektin e alkoolit dhe dyshohet se ka qenë gjithashtu nën ndikimin e drogës.
Në momentin e kontrollit, Mansaku ka tentuar të korruptojë policët, duke u ofruar atyre 50 euro për të shmangur testimin dhe për të mos kaluar në stacionin e policisë për kontrollin e lëndëve narkotike.
Nga kryerja e testit të alkoolit rezultoi se ky shtetas drejtonte automjetin nën efektin e alkoolit dhe dyshohet edhe nën efektin e lëndëve narkotike. Në përfundim të veprimeve të kryera, në bashkëpunim me Specialistët për Hetimin e Narkotikëve në DVP Durrës, u bë arrestimi në flagrancë i shtetasit A.M., 36 vjeç, banues në Tiranë.
Materialet hetimore iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
