Një shpërthim i dyshuar me lëndë plasëse është regjistruar në orët e para të mëngjesit të sotëm në zonën e Porcelanit, pranë Xhamllikut në Tiranë.
Sipas të dhënave paraprake, ngjarja ka ndodhur rreth orës 04:30, në rrugën “Xhanfize Keko” në dyqanin për sherbime interneti.
Fatmirësisht, nga shpërthimi nuk raportohet për persona të lënduar, ndërsa janë shkaktuar vetëm dëme materiale. Shkaqet e ngjarjes mbeten ende të paqarta.
Burime bëjnë me dije se paraprakisht dyshohet që lënda plasëse të jetë vendosur ose hedhur në formë kërcënimi.
Autoritetet kanë nisur hetimet për zbardhjen e plotë të rrethanave dhe identifikimin e autorëve.
Grupi hetimor së bashku me shërbimet e Policisë po punojnë për sqarimin e rrethanave të rastit dhe identifikimin dhe kapjen e autorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
