Tetë të mitur të moshës 13-15 vjeç të dyshuar për plagosjen e një të riu italian, janë shoqëruar nga policia e Tiranës dhe proceduar penalisht.
Procedimi u bë lidhur me rastin e ndodhur pranë Pallatit të Kulturës, më datë 29 korrik, ku mbeti i dëmtuar lehtë një 20-vjeçar italian.
Si rezultat i veprimeve hetimore, të kryera menjëherë pas konfliktit, efektivët e komisariatit Nr. 1 në kryeqytet bënë të mundur identifikimin, shoqërimin dhe procedimin në gjendje të lirë të 8 shtetasve të mitur, të moshës 13-15 vjeç, të dyshuar si të përfshirë në konflikt, gjatë të cilit 20-vjeçari italian pësoi lëndime të lehta trupore.
Aktualisht vijon puna për identifikimin e shtetasve të tjerë të dyshuar si të përfshirë në konflikt, si dhe për dokumentimin e plotë ligjor të rastit.
Për këtë rast materialet iu referuan Prokurorisë Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
