Biznesmeni Agron Neza ka dalë nga ambientet e SPAK, pas gjashtë orësh pyetje. Ai u paraqit në Prokuroinë e Posaçme në mesditë, ndërsa nuk foli për mediat, duke iu kërkuar gazetarëve që për arsyen e thirrjes së tij, të interesohen në Prokurori.
“Pyesni Prokurorinë”, tha ai. Ndërkohë, mësohet se ai ka dhënë shpjegime në lidhje me verifikimet që Prokuroria po kryen për çështjen e njohur si “McGonigal”. Neza përmendet në dosjen e ish-zyrtarit të FBI-së, Charles McGonigal, i hetuar nga kolegët e tij në Amerikë.
McGonigal u dënua disa javë më parë në SHBA për njërën prej dosjeve dhe vijon në gjykim për dosjen tjetër, aty ku dyshohet të ketë përfituar nga një shtetas shqiptar një shumë të lartë monetare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
