Vidhte motorë dhe i shiste me pjesë, arrestohet një person në Tiranë

Një person i dyshuar për vjedhjen e motorëve, të cilët i çmontonte dhe i shite me pjesë, është vënë në prangat e policisë së Tiranës.

Efektivët e komisariatit Nr. 4, si rezultat i hetimeve të kryera pas kallëzimeve për vjedhjen e disa motomjeteve, kanë finalizuar operacionin policor “Remove”, si rezultat i të cilit u identifikua, u kap dhe u vu në pranga E. Gj., 33 vjeç, banues në Tiranë.   

Nga hetimet dyshohet se 33-vjeçari vidhte motomjete me qëllim çmontimin në pjesë dhe shitjen e tyre, kryesisht në subjekte që shesin pjesë mjetesh. Ai dyshohet se ka vjedhur 6 motomjete, gjatë muajve mars dhe prill 2026.     

Në vijim të veprimeve procedurale, u referuan materialet në Prokurori ku nisi procedimi penal për shtetasin Y. D., 39 vjeç, pasi dyshohet se ka përvetësuar një motomjet dhe pjesë motomjetesh, të vjedhura nga i arrestuari.   

Ndërkohë vijon puna për zbardhjen dhe dokumentimin e vjedhjeve të tjera që mund të jenë kryer nga 33-vjeçari.