Një apartament në rrugën e Shtrausit në Lezhë, është përfshirë nga zjarri mbrëmjen e sotme. Sipas të dhënave paraprake, shkak dyshohet të jetë bërë rrjedhja e gazit nga bombola që ndodhej në ballkon. Si pasojë, ka pësuar djegie kryefamiljari, shtetasi V. K., i cili është dërguar menjëherë në spital.
Njoftimi i policisë:
Një banesë është përfshirë nga flakët mbrëmjen e sotme në Lezhë. Ngjarja ka ndodhur rreth orës 19:20, në rrugën “Shtraus”.
Flakët kanë përfshirë banesën e qytetarit me inicialet V.K., ku ka vetëm dëme materiale. Shërbimet e Policisë dhe të zjarrfikëses ndodhen në vendngjarje dhe kanë bërë të mundur fikjen e zjarrit.
Grupi hetimor punon për sqarimin e plotë të rrethanave të ngjarjes dhe përcaktimin e shkakut të rënies së zjarrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
