Shtyhet seanca për dosjen “Partizani”, ish-ministri Pango u paraqit të dëshmonte në GJKKO

Shtyhet për në 8 qershor seanca gjyqësore për dosjen “Partizani”, për shkak të mungesës së avokatit të biznesmenit Fatmir Bektashi.

Në seancën e sotme, para GJKKO-së u paraqit për të dëshmuar ish-ministri i Kulturës dhe Sportit, Ylli Pango, i cili mbante këtë post gjatë qeverisë së Sali Berishës në vitin 2005.

Pango është thirrur si dëshmitar në procesin ku të pandehur janë kreu i Partisë Demokratike, Sali Berisha, dhëndri i tij Jamarbër Malltezi dhe disa biznesmenë. 

Dëshmia e tij lidhet me ndryshimet ligjore dhe procedurat e dhënies së tokës së ish-klubit sportiv “Partizani” tek ish-pronarët.

Krahas Pangos është thirrur për të dëshmuar dhe drejtoresha e Sporteve e asaj kohe në ministri, Violeta Shqevi.