Ish-zv.ministrja Rovena Voda, e dënuar me 1 vit burg nga Gjykata e Posaçme me kërkesë të SPAK, për përfshirje në një aferë korruptive ku dyshohet se ka përfituar 1 milion lekë dhe një arkë me peshk, i është drejtuar Gjykatës Kushtetuese duke kërkuar shpalljen e pafajësisë.
Voda kërkon shfuqizimin si të papajtueshëm me Kushtetutën e Republikës së Shqipërisë të disa vendimeve gjyqësore, konkretisht: vendimin nr. 00-2025-1919, datë 11.12.2025 të Kolegjit Penal të Gjykatës së Lartë; vendimin nr. 04, datë 11.01.2023 të Gjykatës së Posaçme të Apelit për Korrupsionin dhe Krimin e Organizuar; si dhe vendimin nr. 26, datë 07.04.2022 të Gjykatës së Posaçme të Shkallës së Parë.
Për shqyrtimin e kësaj çështjeje, në Gjykatën Kushtetuese është caktuar si relatore gjyqtarja Sonila Bejtja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
