Tre dekada simbol i rendit e sigurisë në vend, reparti i forcave speciale komando përballet me joshjen që krimi dhe ISIS u bënë anëtarëve të tij. Në përfundim të shërbimit ushtarak jo të gjithë efektivët ja dalin të mos bien pre e botës së errët, raporton emisioni “FactCheck” në MCN TV.
27 vite më parë, afro tre dekada, reparti special komando, pjesë e ushtrisë shqiptare, do të hapte dyert për të qenë ndër repartet krenari e ushtrisë e po ashtu elitë.
E teksa sukseset e tyre janë të panumërta, përfundimi i karrierës për ushtarakët e trajnuar në limitet e forcës fizike dhe vrasës për të mbrojtur atdheun apo vetëmbrojtur, mbetet sfida që shteti përballet me krimin.
Çdo grup kriminal është i gatshëm të ketë brenda tij anëtarë nga ky repart. E për fat të keq, kjo ka ndodhur jo vetëm një herë por mbi dhjetëra raste.
Çfarë është reparti Komando në Zallherr?
Batalioni Komando është një njësi speciale e forcave tokësore të Republikës së Shqipërisë.
Roli i tyre në kohë lufte, është kryesisht operacione speciale; në kohë paqeje, ata janë të angazhuar për antiterrorizëm, luftë urbane, luftë në terrene të vështira, goditje të shpejta, etj.
Njësia është e njohur ndryshe me “beretë blu” (blue berets), që i dallon ata me uniformat e tyre dhe shenjën përkatëse.
Batalioni nën emrin “Brigada/Komanda Komando”, u themelua në vitin 1998.
Pjesëtarët e Komandos kanë shërbyer në disa misione jashtë vendit: p.sh. në konfliktet në Kosovë (1999), në Afganistan (si pjesë e misioneve ndërkombëtare), dhe në Irak.
Në vitin 2021, Batalioni Komando u integrua së bashku me njësi të tjera speciale, në formimin e Special Operations Regiment, që synon të përmirësojë aftësitë dhe strukturën e forcave speciale në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
