Një konflikt ka ndodhur mes të rinjve mbrëmjen e sotme në qytetin e Librazhdit, ndërsa ka degraduar deri në përdorimin e armës.
Sipas të dhënave paraprake, një prej tyre ka mbetur i plagosur, shtetasi me inicialet Sh. S., ndërsa policia ka shkuar në vendin e ngjarjes dhe ka ngritur postblloqe për kapejn e autorit të dyshuar, që dyshohet të jetë shtetasi A. B.
Mësohet se konflikti mes të rinjve ka nisur në ambientet e një lokali në Librazhd, ndërsa nuk dihet sesi është gjendja shëndetësore e të plagosurit.
Njoftimi i policisë:
Plagosi me armë zjarri një 35 vjeçar, Policia identifikon dhe shpall në kërkim autorin e dyshuar.
Vijon ndjekja për kapjen e autorit, shtetasit A. B., 27 vjeç nga Librazhdi.
Shërbimet e Komisariatit të Policisë Librazhd rreth orës 19:00, kanë marrë njoftim se në lagjen nr 1 Librazhd, një shtetas ka plagosur me armë zjarri një shtetas tjetër.
Menjëherë shërbimet e Policisë kanë shkuar në vendngjarje dhe falë veprimeve të shpejta kanë bërë të mundur identifkimin e autorit të dyshuar, shtetasin A. B., 27 vjeç, banues në Librazhd, dhe janë vënë në ndjekje të tij.
Shtetasi A. B., duke qarkulluar me një automjet, në rretrhana ende të paqarta ka plagosur me armë zjarri shtetasin Sh. S., 35 vjeç.
35-vjeçari është transportuar në spital për ndihmë mjekësore dhe aktualisht ndodhet jashtë rrezikut për jetën.
Grupi hetimor nën drejtimin e Prokurorisë vijon veprimet në vendnngjarje me qëllim zbardhjen dhe dokumentin e plotë të rethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
