Ish-kreu i ALUIZNI-t në Durrës, Flamur Gjuzi është vetëdorëzuar në polici, pasi prej 6-të muajsh ishte shpallur në kërkim për shpërdorim detyre.
Mësohet se pas dorëzimit me ndërmjetësim, Gjykata e Durrësit, e ka lënë në arrest shtëpie.
Gjuzi ka deklaruar se ai nuk e ndjen vetën fajtor për akuzat e ngritura ndaj tij, por i është shmangur arrestimit pasi dyshonte për një akuzë tendencioze që i bëhej.
Gjyqi për vendosjen e masës së arrestit ndaj Gjuzit është zhvilluar një javë më parë.
Ai është akuzuar për shpërdorim detyre gjatë periudhës që drejtonte Aluiznin në Durrës.
Ndërkohë mësohet se edhe një numër i madh i të arrestuarve në Durrës janë liruar me masën arrest shtëpie, për shkak të situatës së krijuar nga koronavirusi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
