Ndërhynë ilegalisht në matësit elektrik/ Arrestohet një person, një tjetër shpallet në kërkim në Shkodër

Policia e Shkodrës ka evidentuar dy raste të ndryshme të ndërhyrjes ilegale në matësin e energjisë elektrike.

Njëri nga ta është arrestuar, kurse tjetrin e ka shpallur në kërkim.

Specialistët për Hetimin e Krimeve të Komisariatit të Policisë Shkodër:

-arrestuan shtetasin E. J., 40 vjeç, banues në Shkodër, pasi nga kontrollet dhe verifikimet e kryera në bashkëpunim me shërbimet e OSHEE-së, u konstatua se kishte ndërhyrje në matësin e energjisë elektrike, në lokalin e tij;

-shpallën në kërkim shtetasen V. G., 58 vjeçe, banuese në Shkodër, pasi nga kontrollet dhe verifikimet e kryera në bashkëpunim me shërbimet e OSHEE-së, u konstatua se kishte ndërhyrje në matësin e energjisë elektrike, në lokalin e saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.