Kolindo Vjerdha nga Qëndresa Qytetare, për zbulimin e laboratorit të Abas Tafës në Zall Bastar i cili shpërndante diploma false, flet për ulje të vlerës reale të arsimit.
Nga studio e emisionit FactCheck në MCN TV, ai deklaroi se laboratori është si ministri paralele që certifikon nga hallkat e para të arsimit deri sa të nxjerr në tregun e punës.
Sipas tij, duhet veting i akademikëve dhe i punimeve shkencore.
Ka individë që nga krevati i shtëpisë marrin diplomë universiteti, master, me shifra të falsifikuara, kur e dinë se kostoja për të marrë një diplomë. Është një sistem ku që në momentin e parë që futesh je i brumosur për të gjetur rrugë të tërthorta për të ecur brenda tij.
Kjo e ul vlerën reale të arsimit në Shqipëri. Nëse e trajtojmë në këtë lloj forme në një presion të caktuar për të mbajtur një vend pune, në pamundësi për të pasur një diplomë, i drejtohen kësaj forme për tu arsimuar dhe diplomuar.
Kjo është një ministri paralele, të certifikon që në hallkat e para e të nxjerr deri në tregun e punës. Kjo e çmonton tërësisht sistemin që ne kemi montuar. Kemi pasur dhe raste të tjera të diplomave false. Kemi mbyllur dhe 22 universitete.
Më e keqja është që individ i tillë vjen nga radhët e arsimit, ka qenë vetë drejtues i institucionit arsimtar dhe këto raste që vijnë nga brenda sistemit, duke bërë pis. Duhet veting i akademikëve dhe i punimeve shkencore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
