Një shtetas shqiptar është plagosur me armë zjarri mbrëmjen e djeshme në Itali. Sipas mediave italiane, ngjarja ka ndodhur në ambientet e jashtme të një lokali në zonën e “Massa Lombarda”, ku një 41-vjeçar italian ka qëlluar me armë ndaj shqiptarit.
Autoritetet policore bënë të mundur arrestimin e 41-vjeçarit italian nën akuzën e tentativës së vrasjes. Ndërsa shqiptari menjëherë pas ngjarjes është dërguar në spitalin e Traumës në Cesena, ku iu nënshtrua një ndërhyrje në këmbë.
Sipas mediave italiane, nuk dihet ende shkaku i kësaj plagosje teksa autoritetet po punojnë për dokumentimin dhe zbardhjen e plotë të saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
