Mesditën e sotme, një shtetas nga Polonia ka kërkuar ndihmë në Policinë e Vlorës, pasi ishte rrëzuar në Kanionet e Gjipesë, duke pësuar edhe frakturë në një këmbë. Kjo ka bërë që ai të mos lëvizë nga vendi i ngjarjes dhe për këtë është dashur ndërhyrja e policisë.
Njoftimi i policisë:
Më datë 08.04.2022, rreth orës 13:30, në Sallen e Komandës dhe Kontrollit DVP Vlorë, është marrë një telefonatë nga një shtetas Polak, turist, i cili ka kërkuar ndihmën e Policisë, pasi ishte rrëzuar në vendin e quajtur “Kanionet e Gjipesë” dhe ka pësuar frakturë në një këmbë.
Menjëherë në drejtim të tij janë nisur shërbimet e Policisë Himarë, MNZ Himarë dhe një mjet i Urgjencës Mjekësore.
Gjithashtu janë nisur forca policie më të specializuara, konkretisht Delta Forcë, pasi terreni ku ka mbetur turisti polak është shumë i vështirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
