Edison Begaj është një nga personat e arrestuar në aksionin e zhvilluar mbrëmjen e sotme në Vlorë, ndërsa pak ditë më parë i shpëtoi një atentati në derë të shtëpisë.
Ai u arrestua mbrëmjen e sotme nga Policia, pasi sipas burimeve nga policia, u kap me armë pa leje në brez. Begaj u arrestua pas një operacioni blic të Forcave RENEA në Lungomare të Vlorës për kapjen e personave të shpallur në kërkim dhe të atyre që mbajnë “armë pa leje”.
Mësohet deri më tani janë shoqëruar 10 persona. Kujtojmë që 38-vjeçari Edison Begaj u plagos me katër plumba në hyrje të banesës së tij, në fshatin Kaninë. Autori, ende i paidentifikuar e ka pritur atë në këmbë afër banesës dhe më pas e qëlloi. Plumbat e kapën Begajn në pjesën e poshtme të trupit, ndërsa për ngjarjen pistat e hetimit janë ajo e prishjes së pazareve të drogës ose një konflikt i kohëve të fundit që mund të ketë pasur 38-vjeçari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
