Dy të rinjtë e arrestuar për djegien e automjetit të oficeri të policisë do të qëndrojnë në burg pa afat.
Klaudio Gjokhilaj 24-vjeç dhe Klaudio Kovaçi 22-vjeç të dy banues në Lezhë u njohën me masën e sigurisë në gjykatën e Lezhës ditën e sotme, ku pasi dëgjoi palët gjyqtarja Eglantina Biba, e cilësoi të ligjshëm arrestimin e tyre dhe vendosi masat e sigurisë arrest në burg për veprat penale “Kanosja për shkak të detyrës e kryer në bashkëpunim” dhe “Shkatërrimi i pronës me zjarr”.
Dy të rinjtë akuzohen se në bashkëpunim me njëri-tjetrin, mëngjesin e ditës së hënë, dyshohet se për shkak të detyrës, i kanë djegur automjetin shtetasit R. Z., me detyrë oficer i Patrullës së Përgjithshme, trup shërbimi në Komisariatin e Policisë Lezhë.
Nga veprimet e policisë rezulton se oficeri ishte konfliktuar me dy të rinjtë duke i shoqëruar në komisariat një ditë para ngjarjes.
Në shenjë hakmarrje ata dyshohet t’i kenë djegur automjetin tip “Opel” i cili ishte i parkuar në afërsi të Drejtorisë së Policisë Lezhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
