Përplasen tre makina në aksin Lezhë-Shkodër

Tre automjete janë përplasur me njëra-tjetrën përgjatë superstradës Lezhë-Shkodër në afërsi të kryqëzimit të Gjadrit. 

Si pasojë e përplasjes, 4 persona kanë mbetur të plagosur, por fatmirësisht jashtë rrezikut për jetën. 

Policia Rrugore ka mbërritur në vendngjarje dhe ka nisur hetimet për të përcaktuar dinamikën dhe shkaqet e këtij aksidenti.

Njoftimi

Rreth orës 18:20, në kryqëzimin e Gjadrit, janë përplasur tre automjete me drejtues shtetasit I. B., P. N., dhe me drejtuesen, shtetasen e huaj N. R.

Si pasojë e aksidentit janë dëmtuar tre drejtuesit e automjeteve dhe dy pasagjerë që ndodheshin në automjetin e shtetasit I. B. (bashkëshortja dhe vajza e mitur, 6 vjeçe), të cilët janë transportuar në spital për ndihmë mjekësore dhe ndodhen jashtë rrezikut për jetën.

Grupi hetimor ndodhet në vendngjarje dhe vijon punën për përcaktimin e shkaqeve dhe zbardhjen e plotë të rrethanave të aksidentit.