Përtej gjykimeve dhe dënimeve, SPAK ka mundur që për një vit të heq nga llogaritë e krimit dhe zyrtarëve të korruptuar 27 milion euro asete duke i konfiksuar.
Vetëm përgjatë 365 ditëve të 2024, Prokuroria e Posaçme arriti të bindë gjykatën për të konfiksuar asete të krimit në vlerën e 27 milionë euro.
Këto asete pas shqyrtimit në të gjitha shkallët e gjyqësorit kalojnë në favor të publikut me pronar shtetin.
Ku përfshin, para Cash, para në llogari bankare, automjete, biznese, troje, hotele, apartamente dhe vila luksoze.
Shifrën prej 27 milion euro e raportoi si konfiskime, vetë SPAK në raportin e tij të vitit 2024 dorëzuar edhe në parlament.
Ndërsa përfshi edhe sekuestrot preventive vlera ekonomike është më e lartë e përkatësisht
“Vlera e aseteve të sekuestruara dhe konfiskuara për vitin 2024, përllogaritet në vlerën afërsisht prej 65,5 milion euro. Këtu përfshihet vlera e aseteve të sekuestruara dhe konfiskuara në kuadër të Ligjit Anti-Mafia, Kodi Penal dhe Akti Normativ (OFL). Nga totali rreth 36,8 milion euro është vlera e aseteve të konfiskuara dhe rreth 28,7 milion euro është vlera e aseteve të sekuestruara. Vlera e pasurive të sekuestruara ka shënuar rritje të ndjeshme në vitin 2024, prej rreth 47%, konkretisht nga 1.9 miliardë lekë në vitin 2023, në vlerën rreth 2.8 miliardë lekë në vitin 2024”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
