Zbulohet një kodër në të cilën ishin mbjellë 1000 rrënjë kanabis sativa në Libofshë të Fierit, të cilat u asgjësuan me anë të djegies.
Si rezultat i kontrolleve të asistuara dhe nga dronët si edhe nga informacionet policore, në vendin e quajtur “Gropa e Mollës”, u gjetën të kultivuar 1000 fidanë të dyshuar narkotikë kanabis sativa.
Si rezultat i veprimeve hetimore dhe procedurale të kryera për këtë rast u identifikua dhe u vu në pranga autori i dyshuar, shtetasi A. M., 63 vjeç, banues në fshatin Libofshë.
Aktualisht po punohet për identifikimin e shtetasve të tjerë që mund të jenë implikuar në këtë veprimtari kriminale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
