Dy të rinj janë plagosur me armë zjarri mbrëmjen e sotme në Kurbin.
Ngjarja ka ndodhur rreth orës 22:05, në afërsi të Mamurrasit, Kurbin, në një rrugë rurale, në rrethana ende të paqarta, ku mbetën të plagosur me armë zjarri shtetasit K.L. dhe E.Z., të dy 21 vjeç, banues në Mamurras, të cilët janë dërguar për ndihmë mjekësore në spitalin e Traumës.
Policia ka identifikuar autorin E.N, 22 vjeç.
Janë ngritur pika kontrolli dhe vijon krehja e zonës për kapjen e tij.
Grupi hetimor ndodhet në vendngjarje dhe nën drejtimin e prokurorisë vijon puna për zbardhjen e plotë të shkakut dhe rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
