Policia e Tiranës ka arrestuar një 30-vjeçar, pasi dyshohet se ka ushtruar dhunë fizike ndaj një efektivi policie. Sipas njoftimit të policisë, ngjarja ka ndodhur në rrugën “5 Majli”, në Tiranë.
“Nga specialistët për Hetimin e Krimit në Komisariatin e Policisë Nr. 4 u bë arrestimi në flagrancë i shtetasit O. M., 30 vjeç, pasi në rrugën ‘5 Maji’, ka goditur për shkak të detyrës punonjësin e Policisë të Komisariatit Rajonal të Policisë Rrugore, i cili mori ndihmë mjekësore në spital”, njoftoi policia.
Po ashtu në 24 orët e fundit në Tiranë janë kryer dhe disa arrestime të tjera. Forcat e posaçme “Shqiponjat” kanë bërë arrestimin në flagrancë të Xh. G., 20 vjeç dhe K. D., 20 vjeç, banues në Tiranë, pasi u kanë gjetur një armë të ftohtë dhe një sasi me lëndë narkotike të llojit kokainë, të cilat u sekuestruan në cilësinë e provës materiale së bashku me 2 aparate celularë.
Në pranga ka rënë dhe E. H., 41 vjeç, pasi ka tentuar të djegë me lëndë djegëse pemën e Vitit të Ri. Është arrestuar dhe një shofer që drejtonte mjetin në gjendje të dehur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
